मतदार यादीतून तुमचे नाव कट होणार? २९ जुलैपूर्वी हा एक फॉर्म भरा, नाहीतर पश्चाताप होईल!

SIR Form Maharashtra 2026 Offline Process: महाराष्ट्र निवडणूक आयोगाकडून सध्या संपूर्ण राज्यात ‘विशेष सखोल पुनरीक्षण’ (Special Intensive Revision – SIR) मोहीम राबवली जात आहे. या मोहिमेचा मुख्य उद्देश मतदार यादीचे अचूक प्रमाणीकरण करणे, बोगस किंवा दुबार नावे वगळणे आणि नवीन मतदारांची नोंदणी करणे हा आहे.

या मोहिमेदरम्यान BLO (Booth Level Officer) तुमच्या घरोघरी येऊन एक pre-filled (आधीच माहिती भरलेला) किंवा कोरा Enumeration Form (गणनापत्रक) म्हणजेच SIR Form देत आहेत. मतदार यादीतून तुमचे नाव कट होऊ नये म्हणून हा फॉर्म अचूक भरणे अत्यंत आवश्यक आहे.

या लेखात आपण SIR फॉर्म ऑफलाइन कसा भरावा (SIR Form Offline Filling Process), यासाठी कोणती कागदपत्रे लागतील आणि महत्त्वाची तारीख काय आहे, याची सविस्तर माहिती पाहणार आहोत.

SIR म्हणजे काय आणि ही मोहीम का सुरू आहे?

SIR (Special Intensive Revision) म्हणजे मतदार यादीची घरपोच जाऊन केलेली विशेष सखोल फेरतपासणी. नागरिकत्व कायदा १९५५ आणि निवडणूक आयोगाच्या नवीन मार्गदर्शक तत्त्वांनुसार, मतदार खरोखरच संबंधित पत्त्यावर राहतो की नाही, याची पडताळणी करण्यासाठी BLO थेट तुमच्या घरी येत आहेत.

महत्त्वाची नोंद: जर तुम्ही हा फॉर्म भरून दिला नाही किंवा पडताळणी दरम्यान घरी आढळला नाहीत, तर तुमचे नाव मतदार यादीतून वगळले (Delete) जाऊ शकते.

महत्तावाच्या तारखा (Important Dates)

निवडणूक आयोगाच्या लेटेस्ट अपडेटनुसार वेळापत्रक खालीलप्रमाणे आहे:

टप्पा	तारीख
घरोघरी जाऊन पडताळणी आणि फॉर्म भरणे	३० जून २०२६ ते २९ जुलै २०२६
प्रारूप मतदार यादी प्रसिद्ध करणे (Draft Roll)	५ ऑगस्ट २०२६
दावे व हरकती नोंदवणे	५ ऑगस्ट नंतर

SIR फॉर्म ऑफलाइन कसा भरावा? (Step-by-Step Offline Process)

BLO ने दिलेला Enumeration Form / गणनापत्रक भरताना खालील पायऱ्या फॉलो करा:

1.कुटुंब प्रमुखाची आणि सदस्यांची माहिती तपासणे:

पॉइंट १ मध्ये तुमच्या कुटुंबातील सर्व सदस्यांची नावे आधीच छापलेली (Pre-filled) असतील. प्रत्येक सदस्याचे नाव, वय आणि ओळखपत्र क्रमांक (EPIC Number) व्यवस्थित तपासा.

2.माहिती दुरुस्त करणे किंवा बदल नोंदवणे:

जर यादीतील कोणत्याही सदस्याचे नाव चुकीचे असेल, लग्न होऊन मुलगी दुसऱ्या गावी गेली असेल, किंवा कुटुंबातील एखाद्या व्यक्तीचे निधन झाले असेल, तर त्याच्या नावासमोर तसा स्पष्ट शेरा (उदा. मृत/स्थलांतरित) लिहावा लागेल.

3.नवीन मतदारांची नावे जोडणे:

कुटुंबात जर कोणी १८ वर्षे पूर्ण केलेले नवीन सदस्य असतील किंवा ज्यांचे नाव यादीत नाही, त्यांची माहिती ‘नवीन मतदार’ या कॉलममध्ये जोडावी. यासाठी नंतर वेगळा ‘Form 6’ देखील भरून घ्यावा लागेल.

4.आधार आणि मोबाईल नंबर लिंक करणे:

फॉर्ममध्ये प्रत्येक सदस्याच्या नावासमोर त्यांचा मोबाईल नंबर आणि आधार कार्ड नंबर लिहिण्यासाठी रकाना दिलेला असतो. तिथे तुमची अचूक माहिती भरा, जेणेकरून भविष्यात डिजिटल सेवा मिळणे सोपे होईल.

5.कुटुंब प्रमुखाची स्वाक्षरी आणि जमा करणे:

सर्व माहिती भरून झाल्यावर शेवटी कुटुंब प्रमुखाला (Head of Family) आपली स्वाक्षरी (Signature) किंवा अंगठ्याचा ठसा करावा लागेल. हा फॉर्म तुमच्या भागातील BLO कडेच परत सुपूर्द करायचा आहे.

आवश्यक कागदपत्रे (Required Documents)

पडताळणीच्या वेळी BLO कडे फॉर्म जमा करताना खालील कागदपत्रांच्या झेरॉक्स प्रती सोबत ठेवाव्यात:

• कुटुंबातील सर्व सदस्यांचे मतदार ओळखपत्र (Voter ID)
• सर्वांचे आधार कार्ड (Aadhaar Card)
• पत्त्याचा पुरावा (लाईट बिल किंवा रेशन कार्ड – आवश्यकतेनुसार)
• नवीन मतदारांसाठी वयाचा पुरावा आणि पासपोर्ट साईझ फोटो

महत्त्वाच्या टिप्स (Keep in Mind)

• नाव कट होण्यापासून वाचवा: तुमची माहिती अचूक असल्याचे सुनिश्चित करा. जर कोणी भाडेकरू राहत असेल, तर त्यांनी त्यांच्या मूळ गावचा किंवा सध्याच्या पत्त्याचा योग्य तपशील द्यावा.
• अंतिम तारीख: ही मोहीम २९ जुलै २०२६ पर्यंतच चालणार आहे, त्यामुळे वेळेत आपला फॉर्म भरून पूर्ण करा.

हे देखील वाचा: जर तुम्हाला हा फॉर्म ऑनलाईन भरायचा असेल, तर तुम्ही निवडणूक आयोगाच्या अधिकृत Voter Helpline App किंवा voters.eci.gov.in या पोर्टलला भेट देऊन देखील ‘Enumeration Form’ सबमिट करू शकता.